گزشتہ رات بجلی کا بریک ڈاﺅن کیوں ہوا اور فالٹ کہاں ہے ؟ وزیر توانائی عمر ایوب نے بتا دیا
Posted by گزشتہ رات بجلی کا بریک ڈاﺅن کیوں ہوا اور فالٹ کہاں ہے ؟ وزیر توانائی عمر ایوب نے بتا دیا
اسلام آباد (آرٹیکل ہماری ویب)وزیر توانائی عمر ایوب نے کہا ہے کہ گزشتہ رات 11 بج کر 41 منٹ پر گدو پاور پلانٹ میں فالٹ آیا ، ایک سیکنڈ میں فریکوینسی گر گئی جس کے بعد پاور پلانٹ کے سیفٹی سسٹم بند ہونا شروع ہو گئے ۔
وزیر توانا ئی عمر ایوب نے ملک میں گزشتہ رات ہونے والے بریک ڈاﺅن سے متعلق پریس کانفرنس سے خطاب کرتے ہوئے کہا کہ یہ بالکل ایسا ہی ہے جیسے آپ کے گھر کے فیوز ہوتے ہیں ،اوورلوڈنگ ہوتی ہے تو وہ فیوز اڑ جاتاہے یا بریکر گر جاتاہے ، یہ وہی سسٹم ہوا، پورے ملک میں10 ہزار 302 میگا واٹ چل رہی تھی جو ایک دم آوٹ ہو گئے ۔ تربیلا کو ہم نے دو بار سٹارٹ کیا اور وہ سنک ہو گیا ، شمال سے بجلی فراہم کرنا شروع کی ، لاہور کے اردگرد علاقوں میں بجلی آ چکی ہے ، فیصل آباد کے آدھے شہر میں بجلی آ چکی ہے جبکہ دیگر گرڈ شروع ہو رہے تھے ، ملتان میں بجلی کا نظام شروع ہو چکا تھا ، کراچی میں چار سو میگا واٹ کی سپلائی شرو ع کر دی گئی ہے ، مزید چند گھنٹوں میں پورا سسٹم آن لائن آجائے گا ۔